大叔的愛(三) 及其他怪論

大台排節目果條友都低低地，未抖暑前J2禮拜六日三播賽馬，81台禽晚播年輕人跳舞/歌唱比賽？明明81係老人睇嘅電視台，佢哋好少/唔識轉台，夾硬要睇班後生跳舞/唱歌，把屁咩？到底班高層知唔知J2定位係乜？號稱年青人睇嘅台？以前有追下日劇、叢林、尹食堂之類節目，如此類推，照常理有後生嘅參加比賽嘅節目，放响J2播係咪更合理？高層想改善節目質素方面，先由選擇適合播放平台開始，但凡兒童青少年節目去晒J2播。

建議81專播老餅野，早上專播粤語長片，下午「開市你點睇」，晚上七點播都市閒情，八點時段一至五晚晚不同綜藝內容，九點播歡樂叉燒，之後十點半好收台，邊有人睇你吖，慳返D電。(想睇新聞？睇83囉。)

其實五個台接力廣播好唔好？夾夾埋埋24小時都有野睇，又唔會自己台互搶收視。

都係以前一個中文台時代好做好多，五個台要分配資源，典填節目時段都頭痕，觀眾又邊睇得咁多個台？(都未計其餘港台31、奇妙電視(改唔到口)、哨牙仔電視。)

家陣好少睇電視多過十分鐘。