皆旺寄賣店

(網圖)

檔主算唔算最早期蒲皆旺之人？以前商場二樓定三樓有間玩物寄賣店，個女店主幾nice，千禧年代初期我都重有去旺角商場行下買下野，見呢間寄賣店D野定價都幾合理，兼且自己都重有鋪買野癮，曾經買過好幾隻CD、玩具呀呢D立雜野，而下圖呢本超任書都係四十蚊左右，後尾聽人介紹用模擬器玩返呢個game，玩落都幾有懷古趣味，話時話隻碟唔知塞左響邊恕囉？都係珍藏品黎嘅。

佐治米高呢隻雙CD好似廿八定三十八，總言之幾抵，不過好花下，但仲聽得。

當年店主用手寫價錢貼紙標價。

記憶中商場行人電梯有上無落，買完野顧客要行樓梯走，轉到煩都未到地下咁...所以已經好少去，就算行，多數幫襯地庫玩具店居多，買完即撇... 相比之下，鍾意行紅磡廣場齋睇居多。

如今幾十歲人已經絕跡旺角，俾人話阿叔仲同𡃁仔爭路行呀？就無謂啦...

欣然接受現實咪幾好，正所謂唔同階段做唔同嘅嘢，以前聽到被人嗌阿叔好銀耳架。😆😆😆

#做阿叔做到好似係張叔平咁都幾型吖...