愛之深...

究竟聽眾用咩心態去聽電台嘅呢？次次都好似被迫上人生一課，絮絮不休，次次又係果班人留言發噏風，節目過後鳥獸散。

即使上上星期播過咩歌，次次都係差唔多，聽眾一樣照單全收，聽到我都曉播咁滯，你自己專業良心又何來有之？

因為佢哋好大愛包容你嘅一切。

哈！疫症下你又飛得去邊？目前最重要保住自己唔中招已經係先決條件，減低醫護人員工作壓力已經公德無量啦。

做人嘅野同後生仔講下好啦，但係佢地都唔識聽你節目，你D聽眾起碼四十歲以上，重諗咁多大道理？知易行難，亦要睇響咩場合、情況運用。

即使我好認真人生態度呆響屋企捕蛋呀！咁有屁用咩？禮拜日聽首歌志在過下日辰啫。

每次聽roundup係咁拖，根本可能唔知想講乜就播歌算啦，自己聽到都覺尷尬，做節目有所留白最好係咁。