世風日下●講笑式咒人 (修訂版)

娛樂版係要講呢D，乜水黎架？證明報紙冇乜好寫，一味填塞版位，不如名正言順開返風月版啦。

你做乜諗(其他)嘢？😆😆😆

話時話，以前D人好興玩語言偽術，整古下人，十分old school，例如：

明明知對方係女人，又係姓盧，係要問人：「你係唔係姓(性)盧(奴)呀？」今日黎講，有少少性騷擾。

個鐘(錶)踏正四十五分，一手踏向對方膊頭，問人：「而家係咪「踏」九(狗)呀？對方會不甘示弱反問：「九(狗)踏！」

講笑式咒人乜乜物物，對方嗌：「開防護罩，反彈翻去！」行為十分小學雞。

九十年代，工作間學弟同事無聊到做埋(默劇)動作，類似响廚房撻火熄掣，雙手扮歷住個煲，做埋潑出去果下動作，口中講：

「煲滾D屎淋你吖嗱！」

忽然醒起小學雞時代講嘅口頭禪：

你阿媽，係哨牙
哨牙可以刨西瓜
落雨可以"遮"下巴
游水可以撥撥下
撥撥下！

延伸閱讀，以前二創廣告歌，你又記得其他嗎？

古有皇太后，虛弱正堪憂，良方配妙藥，太醫顯奇謀，千辛與萬苦，丹成解困憂，運京途中風霜劫，流/遺落民間得傳流。