一些回憶

偷圖分享 當年讀中學果陣，已經搬左去紅磡住，下晝三點半放學，屎忽痕係要搭15號乜落官塘行返轉，就係咁，先至响樓上座位執左袋十零本龍虎門，如獲至寶，幾年前先捨得放售，可謂無本生利，至於六百期果D，遲早都當垃圾掉，不如連埋其他雜書放左佢咪阻掟。

睇返D相，以前好興髮型屋，記得第一次幫襯十分戰戰兢兢，俾人洗頭果下真係好爽架，不過有D舖D櫈太銀頸，埃得好唔舒服。

家陣光顧速剪居多，香港乜都講求效率，次次一句「清爽的短髮」，剪完有排再留過，呢D叫做疫情下的髮型，橫掂戴口罩話之你乜樣，最憎坐响度排隊慢慢等，通常見有位先衝埋去剪嘅。