對號入座幾多點

我都想有人科水俾我食飯，影張相唔使成本呀？維修下部手機都好吖！話晒都日影夜影。

有咩理由免費寫野過你睇？XDD

首先同大家建立一個互動基礎友好關係，唔係典同人乞呀，第二要去政府部門社團註冊，唔係叫人過條數咁簡單，將筆錢請個司庫睇實盤數，所有使費樣樣有晒單據跟足一一列明，並非口講口賠，咪旨意中飽私囊，基金七除八扣都冇乜水剩，都係打消集資念頭。

故事純粹虛構，如有雷同，實屬巧合，網絡EQ低者眾多，對號入座者恕不招待。

===

真係可惜！有付出自然有回報，我無錢俾食花生，應該唔使旨意免費睇野囉！

禽日醒起一首歌，但唔記得個歌名，檔主用左手機版孤糕搜尋，今次由自己哼出有限嘅旋律，結果搵出要搵嘅歌，科技真係得過喎！

近日面書所示的內容很悶，轉往IG以瀏覽模式遊走，系統便會推薦一些你可能有興趣的東西來，於是便留意某店的帖子(見圖)，話你知，已沒法子回頭，家中只剩一張黑膠大碟和數張細碟，不可能再入坑。

已煩惱現存CD怎麼辦，未經細數大約五六百張，不大值錢也捨不得丟棄，它們是青春任性的印記，證明我有買全新唱片，有些偏選日版購買，付款時毫不考慮，因不喜歡港版，其中一次貪口痕問CD店有嗎？對方答只有日版，猶豫了兩秒還是買吧，腦海湧起當年行信和的金句: 「不買過後未必再有！」像現在年輕人使錢一樣爽快，只是我那個年代沒有消費券可用！