超人歷險記●六兄弟大團結公仔紙

小時候擁有過的港產老翻公仔紙。

超人排排企圖片來自這張海報，最有印象佐菲頭頂有粒星...

而海報來自這本大百科附錄。

這張橫向咭是檔主的珍藏，N年前玩具展的戰利品。

「神勇雙響炮」

前晚轉台睇左少少電影「壞女孩」，呢套片簡直浪費一班演員，連陳友都唔係親自配音，其他角色如胡謂康、關朝聰都係搵人配把聲，邊好睇架！不過咁睇返青春無敵上山安娜都算啦。

之後發現最心儀「神勇雙響炮」播映，卒之短期內睇晒佢地三部曲，以前都睇過，之不過已經唔記得劇情講乜囉！睇返未整鼻嘅溫碧霞幾好，又有洪金寶成龍元彪客串，幾抵睇囉~XDD

套戲塑造出一個「善解人意溫柔體貼」嘅madam安娜，葉德嫻演出真係好睇，2020 2021兩個又過癮，第一集係好笑D！戲劇總有個乞人憎角色，佢就係田警司，搵盧雄配音零舍傳神，始終配音令角色生猛，但觀眾要求真實，當九十年代電影「我愛扭紋柴」開始現場收音，大家睇到咩叫真演技囉！

昔日機動戰士高達模型

八十年代睇電視播「太空戰士」，已經覺得幾好睇，後來出埋模型，檔主砌模型仍停留水皮階段。

舊版八十年代公仔商標，個盾後面刻有Logo架原來...這盒充滿回憶，問隔離舖朋友仔「笑佬」借油性模型油油，砌到甩皮甩骨...


呢盒響灣仔買嘅，1988年中國製，多色成形始祖。

如無記錯的話，八十年代初只買過一盒高達模型，多年後在德發time machine買第二盒模型，以十元購得雷射大炮，之後在千里達等店搜尋其他款式，陸續儲了一堆東西。

同樣在Time Machine懷舊店買嘅，可以結合分體幾得意。

一堆買了未砌的模型。


九十年代未有上網消閒，呢盒算當時高科技產物，齋拍都OK，有次去探朋友，見佢有我又買盒玩下。


砌呢D只有齋砌，都係無乜技巧可言。(得返個吉盒)

以前買模型真係砌，產品配合電視台播映而復刻推出，曾經造成一片熱潮吧。

當年真的有點中毒。

馬沙之反擊，封面美術非常吸引。

記起忘記

舊年年初時候，因為喜歡壹周刊連載「回首話當年」的話題，了起條筋去借回林燕妮小姐舊作看，只限「往事如真」系列，沒想過作者仙遊，令人惋惜。

轉眼間，林小姐也離開讀者一年了，像生活如此急速的香港，人們要記起忘記一件事確實容易，甚麼電子科技年代，依賴手機日多，人的記憶體日差，年輕時候很多記得的事如今也忘卻得一乾二淨，不是更好嗎？真的放下舊日的執著。

很羨慕那些真的成長的人，打從到社會工作後，早已離棄了孩童時代看科學幻想片集的情意結，踏實地做人，生活勞碌哪有閒情逸緻發玩具春秋夢，多少和身邊認識的人有關，和講求實際的人結交便成為那一類人。

想起十多年前行玩具店暗地裡取笑那些狂人，買它幾千大洋面不改容，上兩個星期到旺角一行，還見到年齡相若的麻甩佬買套裝合金魂，他雙眼發光的樣子看見也頭痕，當局者迷無得解的，藉以滿足自己，補償童年應有的樂趣，如果人人像我那麼克制，玩具店早就關門大吉吧。