卡拉不再OK

咩紅總算係香港一個歷史品牌，隨住時代變更，一個供給大家集體娛樂回憶嘅地方響疫情下漸漸消失，自問居住荒島，從未去過卡拉OK唱K，認真大鄉里，工餘時間多數自修三件，曾經去同事錦田之類村屋燒嘢食兼雀局，烏龍地撞向潔淨無垢嘅玻璃門度，因而練得少林鐵頭功之稱，也試過招呼同事響屋企唱K，器材Cheap到爆(以前講過)，多謝佢地用心良苦搞活動幫助檔主追囡，奈何無疾而終，辜負左人家一番心意。

唱片公司同卡拉OK連鎖店有莫大商業關連，互惠互利！客人個個都以為自己係巨星、天后！唱到核核突突虐待人。

十分背，諗來諗去，鏗鏘玫瑰係咩歌？點樣唱架？
話時話，以前想唱K，去酒樓貴賓房都得，正所謂醉翁之意...

喂！究竟你地想食野定唱歌架？吓？你想瞓覺？乜咁嘈都瞓到嘅咩？唔係呀嘩？

想回憶卡拉OK點滴呀，搵電影"男歌女唱"睇睇，入面有講晏晝都有K唱，有野食有野飲，唱歌十足輪街症咁！