麥記

一向甚少光顧麥當當，剛到裝修後的分店，發現收銀櫃台少了，卻多了部古怪自助機器，飾演知客的年輕店員叫我使用那自助服務可不用排隊，哈，心想如果那機器一入錢即出食物我會樂意自助，自助出票又有何用？又不是拿給店員發落，香港人排隊早已成為習慣，只覺得既然找一個負責知客位置，倒不如多一人收錢發貨好了。

請到另一櫃位等螢幕出號碼核對中獎(取食物)吧！傻佬。

估不到麥當當學了公立醫院診所藥房出號碼攞野呢招。

資料圖片

===

近日牡丹樓又有免費野派，響某免費報章頭版刊登廣告，第一日登報話只要顧客去排隊就有(潛台詞當然係限時限刻，數量有限，派完即止)，第二日報章廣告就話，要憑剪報換領券先至有得攞，咁嘅安排又無話唔啱，不過俾著第一日已經攞到著數嘅人食過番尋味再去就會可能引起尷尬兼戇居！

「阿叔，有無換領券？」

「吓？乜要咩？」(以上都係設計對白，檔主一次著數都無去過，唔使返工都唔會去攞！)

牡丹樓已經唔係第一次咁玩法，都唔知邊條友諗計玩人？

所以睇告白要留意細節睇真d 條款咪咁笨。

哈！據聞美國好興剪coupon去超市店舖買野會平d ，重有無呢回事？