昔日片集簡談

 

寫這個最簡單，一味懷舊，這些片集曾經看過，年代久遠，已不大記得劇情，相中企業號是電影版，好像沒看過，那台古老趟門電視大家也擁有吧！鐵甲人在亞視播的時候才看，估不到亞記更照顧老餅需要！

電腦奇俠只記得主角瀟灑地掟結他，三神力，火、電、磁，變！麗的那二次創作口號流傳至今。

伏魔三劍俠 ，通常大家會講佢哋個名：佐比單、依比路、加布拉，咁你數唔數到邊個配音？佢哋係黃健強、盧國權、梁曉峰(有網友說是藍天)。有個女角玲瓏浮突好似金髮載面具造型出現，係曾慶珏配音，然而故事講乜已經唔係好記得，套片起碼四十年以上，最有印象片頭OP 影住帆船變成魔戰艦，小朋友睇完又冇話扮演佢哋，反而睇天地雙龍會投入D，地龍俠pa街變車，個個都想飛身學咁滯！

另一套係幻影時光，用果個細細件組合甲蟲積木(見上圖)扮果架戰車，故事同小雙俠差唔多卦，對佢哋冇乜研究，又係以前睇過便算，做人冇理由樣樣都咁大愛，電視播乜就一定要買其副產品，徙置區細路邊有咁多錢吖？

最多係玩過PS版小雙俠遊戲，回味下首歌。還記得買遊戲機時候送的光碟，當時老闆也說不明白為何要送。大家高興囉。

見過有個街坊輝仔擁有「加布拉」合金公仔，不過玩到爛晒甩皮甩骨，以前玩具真係愛黎玩，物盡其玩！咁先係享受。