2021年5月29日星期六

汽水蓋掩

夏日炎炎,想起歌神那首「十個女仔」,三張幾野紮起辮仔,青春美麗就無失禮!首歌已有四十年+歷史,慶幸屋企人會買錄音帶聽下歌,唔係又點識呢d 歌。


記得以前汽水公司好興舉行樽蓋蓋掩揭中有獎呢種遊戲,視乎推廣活動類型,通常都係當時流行玩意產物,中得最多係贈飲,有一期興玩搖搖、拍拍球(玩具正名為Russell ding bat),有一期同唱片公司合作搞活動,其中獎品係寶麗多卡式帶一盒,得獎者要去指定地點換領,印象中好像換了鄧麗君小姐卡帶一盒,最後嫌佢唱歌喊苦喊忽,應該係指睇過佢響電視唱再見我的愛人吧?結果餅帶俾我整爛丟落坑渠,你話我幾無知。


(網圖) (本網誌另刊載過個人收藏「搖搖」,敬請留意。)




雜誌圖片


試過一期係玩收集國旗,要將印有各國國旗嘅蓋掩貼落地圖所屬位置度,順便考埋地理常識?嘩!印象中當年都幾難儲得齊,要同人交換先得囉。

沒有留言:

發佈留言

隨機精選文章

追蹤者

Powered By Blogger