告...示

疫情下為左減少人群聚集， 局方安排辦公大樓員工須自行到收發部交收，話說今朝如常去到門口，發現告示(見圖)，你老闆個員工有確診所以關門大吉？咁著數嘅嘢做乜唔出email通知大家呀？哈？原來淨係通知各大head of office嘅人知，今日老細在家工作，我等蟻民員工自然一無所知，真係見到張通告都啤左一聲啦，自問盡忠職守(一笑)，下次幾時停擺就早響吖，唔該。

將情況Whatsapp俾老細知(特登事無大小滾搞下佢先安樂)，佢仲大大聲話我地應該有收到通知果喎，後來先改口話個電郵淨係知會某幾個人，嗱，呢D就係一個最佳例子邊有人咁神心睇email再通知下屬吖，天寒地凍暖下被竇瞓多陣先起身覆你渣，傻佬。

本來小事一樁，就係溝通出現問題，一個電郵陷世界通知有幾難？呢D就係傳統官僚主義，一層壓一層，我仲串老細，今日你有返工會好D囉，起碼識得知會一聲，唔使原機遣返。