下次啦

通常是客套話，約會碰釘聽得最多是下次先啦，下次到時又輪到我說下次啦，有時閒情逸致只有剎那間，那團火熄了便是熄，即使是賣淨蔗籮底橙也要裝作交遊廣闊，事實上寧願躲在家中自得其樂懶得應酬，你話大家交情指數高極有限，所以我對網路友誼看得很淡，有活動便去，又不用次次參加，基本上說來說去又是那些話題，互相恭維的說話免了，很多時找一個成員開開玩笑娛樂自己，聚會多數和吃有關，專心吃東西便是，有玩具便影，很多時有交收順便聚會，有聚會順便交收，一舉兩得。

有次某地方搞活動，睇勻嘉賓名單都無邀請某人，某人竟然走去page出帖「下次先...」係咪好搞笑？

哦...可能係叫主辦單位下次記得邀請佢咁話喎...

講真...有d野你一次唔黎兩次唔黎下次都唔慌會叫你黎...你估你有寶咩？

呢D算係多年前群組怪事見聞。

所以依家唔會隨便講咩承諾，最憎D人以為人地唔記得，就可以隨便口輕輕亂咁噏(講緊自己乎？)佢反而唔記得呢個世界有樣野叫做文字記錄。有D遊戲在下前設左一堆條件，用中文寫到明，你係要人地依照你個套，no way！推卻拖延係應該。索性連app也刪除。

題外話(一)

話說有日下晝為左增廣見聞(一笑)參加某個團體集會，一去到俾人當賣旗日貼左枝旗響身上，搵到位坐就拿拿林撕開張貼紙免被無謂標籤。當日有位名人嘉賓分享自身經歷，直頭睇緊星期二檔案，令人動容。可惜見到個謬利主持人上台亢奮地話佢個「社團」係世上唯一嘅「社團」！(自護萬歲？)當堂理智回歸：DIU狸吖！地球人都唔敢話自己係宇宙唯一嘅生物啦，事實上臣棍與空氣同在，佔領各大山頭，賤人利用名人效應達到自己某種目的，嘉賓又可以藉著演講在面上貼金，一舉兩得。未到活動完結，馬上鬆人，十足賽馬日提早離場，話晒去廁所都冇咁多人。

題外話二：上星期又到官塘一品香午餐。

當日才試過這裡的紅油抄手，包裹的肉是白色，好吃原因充滿脂肪，自覺偶然一次不怕的。

上街吃飯就是這樣，珍惜吃油膩的配額。

步出廣場時，下午三點了。

轉戰到超市買盒玄米茶，消消滯。

在家中煮碗麵，配料自主確係掂。

題外話(三)

近日發現被某面書專頁偷圖偷文，圖片轉自日拍，算大家打和，在下有少段拙文被轉載，算是對方賞面。有時真係覺得面書友十分無聊，一味寫D自己都無經歷過嘅嘢，成日問群眾有冇試過(奇趣錄)，由朝到晚拋磚引玉式發問，自然有人留言回應，達到互動目的，呢D空洞內容卻吸引人們爭相討論，如此努力行徑呃like又為左證明甚麼？俾手手吖！Good boy...Woo woo...

題外話(四)

前日與親戚飯聚，餘興話題又係舊屎，一餐飯靜靜地根本冇可能，人家係要賣弄口才犯法無？自顧自食話之你！與討厭的人同枱用膳，選擇登入沉默模式最好。但聽多一些從不知道的事，原來發生過的。